தமிழினி.....இனிமையானவள்!!!

சிந்தனை செய் மனமே - 3

2011-10-10T07:02:00.001-07:00

பகல் பத்தரை மணியிருக்கும்...என் சென்னை தோழியிடமிருந்து ஒரு அழைப்பு..."இவ வேலை நேரத்துல கூப்பிட மாட்டாளே....என்னவாயிருக்கும்..."யோசித்து கொண்டே அவளை அழைத்தேன்..."சீக்கிரமா obituary மெயில் ல பாரு...உன் மைசூர் சிநேகிதர் இறந்துட்டார் ..."தூக்கி வாரி போட்டது எனக்கு...அவசரமாக மெயில் களில் தேடினேன்..."அய்யயோ...அவரே தான்..."..என் மைசூர் நண்பர்...சுமார் முப்பது வயதிருக்கும்...காதல் திருமணம் புரிந்து சமீபத்தில் தகப்பனும் ஆகிவிட்டார்...மைசூர் நண்பர்களுக்கு தொடர்பு கொண்டபோது அவர் புற்று நோயால் மரணம் அடைந்தார் என்றும் தெரிய வந்தது...அவர் புகைக்கும் பழக்கமுடையவர் என்பது எனக்கு தெரியும்..ஆனால் புற்று நோயால் பாதிக்க படும் அளவிற்கு புகைத்து இருப்பார் என்று நான் நினைக்கவே இல்லை.

என் தோழர்கள் பலரையும்,ஓரிரண்டு உறவினர்களையும் இந்த பழக்கத்திற்கு காவு கொடுத்துவிட்டேன்.இனியும் யாரையும் இந்த பழக்கத்திற்கு காவு கொடுக்க நான் தயாராய் இல்லை.

புகைப்பதால் என்ன ஆகும் என பலமுறை புகைப்பவர்களிடம் கேட்டதுண்டு...எல்லாம் ஒரு கிக்கு தான்...என்று பதில் வரும்..."அப்போ அதுனால கேன்சர் வரும் போது"...."அதெல்லாம் வராது"...இப்படி தான் பதில் வரும்...அப்படியே மீறினால் "நீ எண்பது வயசு வரைக்கும் இருந்து என்ன சாதிக்க போற??."அதை பார்க்கவாவது நீ இருக்கணுமே" என்று சொல்லி இருக்கிறேன்...ஆனால் அதில் இருவர் இன்று இல்லை...

புகைக்க தொடங்கியதும் மூளைக்கு எடுத்து செல்ல படும் ரத்தத்தின் அளவு குறைகிறது...சிகரட்டின் மூல பொருளான நிகோடின் இந்த வேலையை செய்கிறது...இதனால் மூளையில் ஏற்படும் மந்த நிலையின் காரணம் அந்த "கிக்" ...போதை...நாளடைவில் போதையின் தேவை அதிகரித்து போவதால் எடுத்துகொள்ளும் புகையின் அளவும் அதிகரித்து....இதனால் நுரையிரலில் தார் படிவது தொடங்கி பற்களில் காரை ஏற்படுவது வரை ஏராளமான உபாதைகள் இலவசம்..புற்றுநோய் வரும் அளவிற்கு உடல்நிலை பாதிக்க படுகிறது...
அதுமட்டுமில்லாமல் மறதியில் தொடங்கி குழந்தை பேறின்மை வரை புகையினால் ஏற்படும் பாதிப்புகள் ஏராளம்.

ஸ்டைலுக்காகவும்,என்னதான் இது என்று பார்க்கவும் ஆரம்பிக்கும் பழக்கமானது உயிரையே குடித்துவிடும் அபாயத்திற்கு கொண்டுசென்று விடுகிறது...சமீபத்தில் பெண்களும் புகைக்க தொடங்கியதும் ஒரு பெரும் அதிர்ச்சி...இதுலுமா 33%.....?!...வேண்டாம் தாயே...

ஒரு வேளை இந்த பதிவை படிக்கும் தாங்கள் புகைப்பவரெனில்,இந்த பதிவை படித்து விட்டு அடுத்த முறை சிகரெட்டை கையில் எடுக்கும் போது உங்கள் அன்புக்குரியவர்களை எண்ணி பார்த்து..."ஐயோ...வேண்டாம்"..என்று தோன்றினால்....அதுவே எனக்கு கிடைத்த வெற்றி.

புகை பழக்கத்தினால் புற்றுநோய் இரையாகி உயிர் துறந்த என் இரு நண்பர்கள் மஞ்சுநாத் மற்றும் எழிலரசன் அவர்களுக்கு இந்த பதிவு சமர்ப்பணம்..

நான் வந்துட்டேன்..

2011-04-22T06:27:00.000-07:00

எல்லாருக்கும் வணக்கம்...
எல்லாரும் நல்ல இருப்பிங்க னு நினைக்குறேன் ...
திரும்பவும் ப்ளாக் எழுத விரும்புறேன்...கூடிய சீக்கிரம் ஒரு அர்த்தமுள்ள பதிவோட உங்கள சந்திக்கிறேன்...
இடையில கொஞ்சம் எழுதாம விட்டுட்டேன்...இனி தொடர்ந்து எழுதுவேன்...

இனிய புதிரின் இனிப்பான விடை...

2009-08-27T03:43:00.000-07:00

ரொம்ப சரியா சொன்னிங்க சத்யா அண்ணே....

செல்வி தமிழினி,திருமதி தமிழினி யாக போறேன் வருகிற ஞாயிற்று கிழமை லருந்து...அதாவது .ஆகஸ்ட் 30 ம் தேதி...

திருமணத்திற்கு பின் பெங்களூர் ல இருப்பேன்...

அப்படியே தொடர்ந்து எழுதவும் முயற்சிக்கிறேன் :))))))))))))))

இப்படிக்கு தங்கள் அனைவரின் வாழ்த்துக்களை வேண்டும்....தங்கள் இனிய தமிழினி....

ஒரு இனிய புதிர்?????

2009-08-26T08:36:00.000-07:00

எல்லாருக்கும் வணக்கம்.....

எப்போதும் கருத்து சொல்லுவேன்...அல்லது விமர்சனம் பண்ணுவேன்....இல்லேனா மொக்கை போடுவேன்....

ஆனால் இந்த முறை கொஞ்சம் புதுசா உங்கள் வாழ்த்துக்களை வேண்டிகிறேன்...எதுக்காக னு எதாவது யூகிக்க முடியுதா?????
யோசிங்க..................

இன்னும் நல்லா...........................

உங்கள் யுகங்களை சொல்லுங்க.....அதுக்கப்புறம் நான் என்ன விவரம் னு சொல்றேன்....

நண்பர்களே நலமா???

2009-03-08T05:24:00.000-07:00

எல்லாருக்கும் வணக்கம்...எல்லாரும் நல்லா இருக்கீங்க னு நினைக்குறேன்...

எல்லாரும் என்னை மன்னிக்கணும்....சரியா 6 மாசத்துக்கு பிறகு பதிவு போடுறேன்...கையில கணினி இல்லாத காரணத்துனால எழுத முடியல....
இந்த 6 மாசத்துல வேலை பளுவும் அதிகம்...

இந்த 6 மாசத்துல நடந்த சில முக்கியமான விஷயங்கள இங்க பகிர்ந்துக்க போறேன்...
1)சரியா அக்டோபர் மாசம்....திடீர் னு ஆபீஸ் ஐடி ல ஒரு மெயில்....பார்த்தா நம்ம வெட்டி அண்ணே...ரொம்ப சந்தோசமா பதில் எழுதுன எனக்கு காத்திருந்தது அடுத்த இன்ப அதிர்ச்சி....வெட்டி அண்ணே என்கிட்டே போன் ல பேசினாங்க....எனக்கு ரெண்டு கையிலயும் ஆஸ்கார் கிடைச்ச சந்தோஷம்...:)))))ரொம்ப நன்றி வெட்டி அண்ணே.... :)))))

2)டிசம்பர் மாசம் ரொம்ப கடினமான மாதமாக இருந்தது....அதிகம் வீட்டுக்கு போக முடியாமல்,வார இறுதிகள் கூட ஆபீஸ் வர வேண்டியதா போச்சு...ஆனா,ஜனவரி லருந்து கொஞ்சம் பரவா இல்லே.. :)

3)ஆறு மாதங்கள்ல நிறைய படம் பார்த்தேன்...நினைவுல நின்ன சில படங்கள் னா "அபியும்,நானும்","செவென் பவுண்ட்ஸ்" மட்டும் தான்...

4)பிப்ரவரி இந்தியா வே கொண்டாட வேண்டிய மாதம்...இசைப்புயலுக்கு இரண்டு ஆஸ்கார் விருதுகள் கிடைத்த மாதம்....எனக்கு என்னவோ நானே விருது வாங்குன மாதிரி அவ்வளவு சந்தோஷம்...அவருக்கு விருது கிடைத்த போது நான் அலுவலகத்தில் இருந்தேன்...அலுவலகத்தில் இனிப்பு கொடுத்து கொண்டாடினார்கள்....இந்திய திறமைக்கு உலக அங்கீகாரம்...செம சந்தோஷம்...

சரி....மற்றொரு சந்தர்ப்பத்தில் மீண்டும் சந்திப்போம்....அது வரை...டேக் கேர்....

மீ..மீ...

2008-09-08T06:23:00.000-07:00

உன்னை பத்தி நறுக்கு ன்னு 7 விஷயம் சொல்லு பார்போம் னு சவால் விட்ருக்காங்க இல்லத்தரசி யும் ,சுகன்யா வும்...விடுவோமா....நாங்கெல்லாம் யாரு....(ஆமாமா?! அப்டின்னு சலிச்சுகுறது காதுல கேட்குது.... :)))

இனி என்னை பத்தி 7 விவரங்கள்...

1)பிறந்தது என்னவோ சென்னை னாலும் வளர்ந்தது...படிச்சது எல்லாமே திருச்சிராபள்ளி ல தான்....அப்புறம் மறுபடி கொஞ்ச நாள் சென்னை வாசம்....எல்லாம் பொட்டி தட்றதுக்கு தான்...அப்புறம் "நீ சென்னை ல பொட்டி தட்னது போதும்...மைசூர் க்கு போ னு அனுப்பி வச்சுட்டாங்க...ம்ம்ம்..."

2)படிச்சது கம்ப்யூட்டர் சயின்ஸ் இன்ஜினியரிங்....

3)கிட்டத்தட்ட மூணு வருஷமா பொட்டி தட்டிட்டு இருக்கேன் ... :)))

4)பொழுது போக்கு...அது நேரத்துக்கு தகுந்த மாதிரி மாறும்...சில சமயம் புத்தகங்கள் படிக்கறது...பாடல்கள் கேட்குறது(முக்கால்வாசி இதான் செய்வேன்..),பதிவு எழுதுறது,வரையுறது (பிக்காசா அளவுக்கு இல்லேனாலும் ஏதோ சுமாரா வரைவேன்...),அப்பா-அம்மா கிட்ட போன்ல மொக்கை போடுறது...(மிக பெரிய பொறுமை சாலிகள்...)

5)பிடித்தவை : அம்மா மடியில படுத்து தூங்கறது,அப்பா கிட்ட நேரம் காலம் பார்க்காம உலகத்துல உள்ள எல்லா விஷயங்களையும் பத்தியும் பேசுறது ,மழை,என் பதிவுக்கு நீங்க போடுற பின்னுட்டங்களை படிக்கறது,குழந்தையின் புன்சிரிப்பு,வலைத்தளத்துல நேரம் காலம் தெரியாம எதப்பத்தியாவது படிக்கறது,அம்மாவோட சமையல்,அப்பாவோட செல்ல கோபம்,மலைக்கோட்டை உச்சி பிள்ளையார்,தான்தோன்றி கோயில் சிவா பெருமான்,எப்போதாவது போனில் கேட்கும் நண்பர்களின் குறள்:) ,அக்கா குழந்தைகளின் மழலை பேச்சு,திருச்சி வீடு,வீட்டு வாசலில் இருக்கும் துளசி மாடம்,மழைக்கு பின் வரும் மண் வாசம்,சிரிப்பவர்களின் கண்களின் ஓரத்தில் வரும் சுருக்கம்,நண்பர்களின் செல்ல அதட்டல்,மோதிரங்கள்,நீளமான காதணிகள்,மருதாணி,கரடி பொம்மைகள்,என் க்யுபுல இருக்கற சின்ன பிள்ளையார் பொம்மை.....இப்படி இந்த லிஸ்ட் ரொம்ப பெருசு......!!! (ஸ்ஸ்ஸ்ஸ்...கண்ணு கட்டுது...:))))

7)நான் எப்படி னு நானே சொல்றது அவ்வளவு நல்ல இருக்காது...என்னே பொறுத்த வரைக்கும் யாருக்கும் பெருசா உதவ முடியலைன்னாலும்,தொந்தரவு கொடுக்காம இருந்தா,அதுவே போதும்....மத்தப்படி ரொம்ப சுலபமா எல்லார்கிட்டயும் பழகுவேன்...முடிஞ்சா என்ன சுற்றி இருக்குறவங்கள சிரிக்க வச்சுட்டு இருப்பேன் (அப்போ தானே நானும் சிரிச்சுட்டே இருக்க முடியும்....)

சரி,இனி யார மாட்டி விடலாம்...?!

1)சத்யா அண்ணன்

2)ரம்யா ரமணி

3)ஜி

4)சரவணா குமார்

மக்கா,எல்லாரும் சீக்கிரமா வந்து எழுதுங்கப்பா.... :))))))

தமிழினிக்கு இன்றோடு ஒரு வயது......

2008-09-01T07:13:00.000-07:00

வலை பூவில் எழுத தொடங்கி 1 வருடம் முடிந்து விட்டது...ஆதலால்,இன்றோடு என் வலை பூவுக்கு ஒரு வயது முடிந்து விட்டது..
சென்னையில் இருந்த போது எழுத தொடங்கினேன்..சத்யா அண்ணனை தவிர பதிவர்கள் யாரும் என் வலைப்பூவை படித்ததாக நினைவில்லை...ஆனால்,என் உடன் பணியாற்றிய நண்பர்கள் சிலர் எனக்கு அருகிலேயே உட்கார்ந்து கொண்டு என் வலைப்பூவை படித்து தங்கள் கருத்துக்களை கூறியதுண்டு.. :)

தொடக்கத்தில் எதை பற்றி எழுதுவது என்று நிறைய சந்தேகங்கள் வரும்..
எழுத ஆரம்பித்து பாதியிலேயே நிறுத்திய பதிவுகள் நிறைய...!

இப்போதெல்லாம் சரளமாக எழுத வருகிறது...சந்தேகங்களையும் கடந்து... :)

எழுதுவது மிகவும் பிடித்திருக்கிறது..தொடர்ந்து எழுதவே விளைகிறேன்...எழுதுவேன்... :))))))

பதிவுகள் எழுதுவதை ஒரு பொழுது போக்காக கருதாமல்,விழிப்புணர்வை ஏற்ப்படுத்தும் ஒரு தளமாக கருதுகிறேன்..எழுத்துக்கள் மிகவும் சக்தி வாய்ந்தவை என்பதில் எனக்கு என்றுமே மாற்று கருத்து இருந்ததில்லை..

சிந்தனை செய் மனமே-பதிவுகள் தாம் நான் எழுதியதில் எனக்கு பிடித்தது... :)

(நான் எழுதியதில் உங்களுக்கு பிடித்த பதிவுகள் என்னென்ன என்பதை பின்னூட்டத்தில் தெரிவியுங்கள்...)

இந்த தருணத்தில் நான் சிலருக்கு நன்றி கூற கடமை பட்டுருக்கிறேன்...

என் வலைப்பூவின் முதல் ரசிகர்களான என் சென்னை நண்பர்கள்,தமிழ் மணத்தில் என் பதிவுகளை சேர்க்க எனக்கு உதவிய சத்யா அண்ணன்,என் பதிவுகளை தொடர்ந்து படித்து வரும் என் பதிவர் நண்பர்கள்,நான் இந்த வலை பூவை ஆரம்பிக்க எனக்கு ஊக்கம் தந்த என் தோழிகள்,எப்போதும் என் பதிவுகளை முதலில் படிக்கும் என் பெற்றோர்,எனக்கு தமிழில் ஆர்வம் வர காரணமாயிருந்த என் தமிழ் ஆசிரியைகள் அனைவருக்கும் நான் நன்றி கூறி கொள்கிறேன்...

என்றும் என் எழுத்துக்களை படித்து உங்கள் கருத்துக்களையும் கூறுங்கள்...இது போல இன்னும் பல வருடங்கள் கடந்தும் நான் எழுதுவதற்கு எனக்கு ஊக்கம் தாருங்கள்.... :)))))

உள்ளேன் அய்யா....

2008-08-28T06:55:00.000-07:00

பதிவு போட்டு இன்னியோட சரியா ஒரு மாசம் ஆச்சு...என்ன நீ உயிரோட தான் இருக்கியான்னு அப்பப்ப கேட்டுகிட்டு இருந்த பதிவர்கள் அனைவருக்கும் நன்றி...(ஜி,சரவணகுமார்,சுகன்யா)....

ஒரு development ப்ராஜெக்ட் ல வேலை பார்க்க வேண்டி வந்ததால எழுத முடியல...மேட்டர் என்னன்னா இன்னும் அந்த ப்ராஜெக்ட் ரெண்டு மாசமாவது போகும்... :((

இந்த ஒரு மாசத்துல நிறைய கத்துக்க முடிஞ்சுது...அதுல ஒரு சந்தோஷம்..

அதிகம் ஊருக்கு கூட போக முடியாம போனது ஒரு வருத்தம்....

ஆனா,உங்க எல்லாருடைய பதிவையும் படிச்சுகிட்டு தான் இருக்கேன்...

(முக்கியமா,வெட்டி அண்ணனோட ஆடு புலி ஆட்டம் கதைகள்... :)))

ரைட்டு...எல்லாரும் நல்ல புள்ளைங்களா பதிவுகள் போட்டுக்கிட்டு இருங்க...koodiya சீக்கிரம் நானும் ஒரு உருப்படியான பதிவோட உங்களை சந்திக்கிறேன்...

ஹ........வர்ர்ர்ர்ட்டா..... :)))

அவார்ட்ஸ்-2

2008-07-29T22:08:00.002-07:00

இல்லத்தரசியிடமிருந்து இன்னொரு அவார்ட்...இந்த முறை "Blogging Friends Forever Award"....மிக்க நன்றி இல்லத்தரசி....உங்க அன்புக்கு நான் என்ன கைம்மாறு செய்ய போறேன் னு தெரியல....ரொம்ப,ரொம்ப நன்றி வாணி.....

அடுத்து இன்னொரு பொறுப்பையும் என்னிடம் கொடுத்துருக்காங்க,விதிமுறைகளோட...அந்த விதிமுறைகள் என்னென்ன...அப்படின்னா..

1)நான் இந்த அவார்டை 5 பேருக்கு கொடுக்கணும்.

2)இந்த 5 பேருல 4 பேரு நம்ம ப்ளாகை தொடர்ந்து படிக்கிறவங்களா இருக்கணும்...ஒருத்தர் நம்ம ப்ளாகை புதுசா படிக்க தொடங்கினவங்களா இருக்கணும்...

3)இந்த அவார்ட் உங்களுக்கு யாரு கொடுத்தாங்களோ அவங்களுக்கு மறுபடியும் ஒரு link தரனும்......

இப்போ என் turn....சரி,யார்யாருக்கெல்லாம் இந்த அவார்ட் னு பாருங்க...

1)சத்யா அண்ணன்..(வடக்குபட்டு ராமசாமி)

2)சுகன்யா(சுஹீஸ் பிரைன் வேவ்ஸ்)

3)பாலாஜி (வெட்டிபையல்)

4)ஜெயா(இம்சை அரசி)

மற்றும்

5)சரவண குமார்(கவிதைகள் எனப்படும்...)(இவர் என் பதிவுகளை புதிதாக படிக்க தொடங்கி இருக்கிறார்...)

உங்கள் அனைவருக்கும் என் மனமார்ந்த வாழ்த்துக்கள்....

இந்த அவார்ட் எனக்கு கொடுத்த இல்லத்தரசிக்கு மீண்டும் ஒரு முறை நன்றி கூறி கொள்கிறேன்...

சிந்தனை செய் மனமே-2 : அப்டேட்

2008-07-25T02:55:00.000-07:00

என் தோழி அவளது வீட்டில் பேசியிருக்கிறாள்.அவளது பெற்றோரும் அவளுக்கு இந்த வரனில் விருப்பமில்லை என்பதை புரிந்து கொண்டு,மாப்பிள்ளை வீட்டில் எடுத்து சொல்லிவிட்டனராம்...

இதற்கிடையில்,அந்த தோழிக்கு வந்த வேறொரு வரனின் ஜாதகம் ஒத்து போக அந்த வரனையே அவளுக்கு பேசி முடித்து விட்டனர்...ஒரு நல்ல விஷயம் என்னவென்றால்,இந்த முறை வரதட்சணையை பற்றியே பேச்சே வரவில்லையாம்....என் தோழியும் மிகவும் மகிழ்ச்சியாக இருக்கிறாள்...

என் உயிர் தோழிக்கு என் மனமார்ந்த வாழ்த்துக்கள்......

சிந்தனை செய் மனமே -2

2008-07-18T05:55:00.000-07:00

பர பர னு வேலை பார்த்துகிட்டு இருந்த ஒரு செவ்வாய் கிழமை காலையில் அந்த கல்லூரி தோழியிடமிருந்து போன் வந்தது...பேசி கொஞ்ச காலம் ஆகியிருந்த காரணத்தால்,க்யுபை விட்டு வெளியே சென்று மீண்டும் அவளது செல்லுக்கு போன் செய்தேன்...

"ஹே....சொல்லு ....எப்படி இருக்க...??"..இது நான்..

"நல்லா இருக்கேன்...போன எடுக்கலனதும் பிசியா இருக்க னு நெனச்சேன்....என்னடி டிஸ்டப் பண்ணிடனோ??.."...வழக்கமா அவ கேட்குற கேள்வி தான் இது...

"ஏய்..அதெல்லாம் பரவா இல்லே...சொல்லு..."...பிசியா இருக்குறதா பொதுவா யார்கிட்டயும் சொல்றதில்லே....

"ஹ்ம்ம்...ஏய் எனக்கு கல்யாணம் பிக்ஸ் பண்ணிருக்காங்க வீட்டுல..."...சொல்லும் போது கூட குரலில் சந்தோஷமே இல்லாமலிருந்தது,எனக்கு அதிர்ச்சியாய் இருந்தது ....

"ஏய்...காங்கிராட்ஸ்"...நம்ம கடமையை ஒழுங்கா செய்வோமே....

"அட நீ வேற டி..."..ரொம்பவே அலுத்துகிட்டா..

"......." எனக்கு என்ன சொல்றதுன்னே தெரில...

"எனக்கு என்ன கொறச்சல் னு நீ நினைக்குற.."....கொஞ்சம் உணர்ச்சிவச பட்டு பேசுறா னு மட்டும் தெளிவா புரிஞ்சது...

"ஏய்...என்னாச்சு..ஒரு நல்ல விஷயம் சொல்லிட்டு இப்படி என்னைய போட்டு குழப்புற...என்ன தான்னு கொஞ்சம் தெளிவா சொல்லுடி..."...செய்து கொண்டிருந்த scripting மெல்ல மெல்ல submind க்கு transfer வாங்கிக்கொண்டு போனது...இப்போது என் தோழி மட்டுமே என் நினைவில் இருந்தாள்...இவள எப்படி சமாதான படுத்தறது னு மட்டுமே மூளைக்குள் யோசனை ஓடிகொண்டிருந்தது...

"மாப்பிள்ளை வீட்டில் 200 பவுன் நகையும்,5 லகரம் ரொக்கமும் வாங்கிகிட்டு தான் என்னைய ஒத்துக்கிட்டாங்க..."...சொல்லும் போது குரலில் அத்தனை கோபம்...

"இது தான் உங்க caste ல சகஜம் ஆன விஷயமாச்சே...நீ தான் காலேஜ் டேஸ் லையே சொல்லுவியே..." ...பழசை அசைப்போட்டு அவளை சமாதான படுத்த விளைந்தேன்....

"இருந்தாலும் 5 லட்சம் ரொம்ப அதிகம் தான டி..."...இந்த கேள்விக்கு நான் என்ன சொல்லுறது..

"அதிகம் மாதிரி தான் டி தெரியுது..."..அந்நியன் பட சொக்கன் மாதிரி பதில் சொன்னேன்...

"....இதுல நான் வாழ்க்கை பூரா வேலைக்கு போய்க்கிட்டே வேற இருக்கனுமாம்..."...

அவள் சொல்ல சொல்ல எனக்கே கோபம் வந்தது...

"நிச்சயம் முடிஞ்சுருச்சா..???" கொஞ்சம் கடுப்பாக தான் கேட்டேன்...

"இல்ல ...இல்ல...நிறுத்திடவா???"...பொண்ணு செம சீரியஸா என்கிட்டே கேட்டா....

"இல்ல...இல்ல..கொஞ்சம் பொறுமையா இரு...உங்க அப்பா,அம்மா கிட்ட பேசு...அவங்க கிட்ட உன் மனசுல தோணுறத சொல்லி...புரிய வைக்க ட்ரை பண்ணு..."..நான் அவளுடைய நிலையில் இருந்தால் என்ன செய்வேனோ,அதையே அவளுக்கு அறிவுறுத்தி...உடனே ஊருக்கு போக சொன்னேன்...

அவளும் அப்படியே செய்வதாக சொல்லி...போனை வைத்தாள்....
இப்படி எத்தன பேர் என்கிட்டே பொலம்பி இருக்காங்க னு நான் சொன்னா உங்களுக்கு ஆச்சரியமா இருக்கும்...

நான் எல்லாரையும் குறை சொல்லல....நல்லவங்களும் இருக்காங்க..ஆனா,மெஜாரிட்டி ஆளுங்க நான் சொல்ற மன நிலையோட தான் இருக்காங்க....

இதெல்லாம் கூட பரவா இல்லே...எங்க குழந்தை பெத்துகிட்டா மனைவி வேலைக்கு போக மாட்டாளோ னு பயப்படுற ஆளுகளும் இருக்காங்க னு நான் சொன்னா நீங்க நம்புவீங்களா???ஆனா இது உண்மை......எனக்கு தெரிந்த ஒரு பெண்ணுடைய வாழ்க்கையில இப்ப இதான் நடந்துக்கிட்டு இருக்கு...

இத தட்டி கேட்க பெண்ணுடைய பெற்றோர் போனாங்கன்னா,"பொண்ண பெத்தவங்க தானே...பொறுமையா இருக்க வேண்டியதானே..."...னு சொல்ல வேண்டியது...இந்த மாதிரி பேசுறவங்கள நான் ஒரே ஒரு கேள்வி கேட்க விரும்புறேன்...."உங்க பையன விட அந்த பொண்ணு எந்த விதத்துல குறைச்சல்???...."...சொல்ல போனா நீங்க பையன வளர்க்க என்ன கஷ்ட பட்டிங்களோ,அது போல பத்து மடங்கு கஷ்ட பட்டவங்க ஒரு பொண்ண பெத்தவங்க.....தயவு செஞ்சு இனிமே பொண்ண பெத்தவங்க தானே னு ஏளனமா நினைக்காதிங்க...அவங்க நினைச்சா உங்க குடும்பத்தையே புரட்டி போட முடியும்...

வரதட்சணை வாங்கிகிட்டு ஒரு பெண்ணை கல்யாணம் பண்ணிகிட்டா,அந்த பொண்ணு உங்களை எப்படி மதிப்பா???...ஒரு விலை கொடுத்து உங்களை வாங்கிட்ட மாதிரி தான நினைப்பா???

"நான் வாங்கல வரதட்சணை...என் அப்பா,அம்மா கேட்குறதுக்கு நான் என்ன செய்ய முடியும்?" னு கேட்குறாங்க....கல்யாணம் நீங்க தான செஞ்சுக்க போறீங்க??அப்படின்னா வரதட்சணை வாங்காதிங்க னும் நீங்க தான சொல்லணும்...

கரும்பு தின்ன கூலி மாதிரி,கல்யாணம் பண்ணி உங்க கூட கூட்டிட்டு வர்ற பொண்ணுக்கிட்ட வரதட்சணை ன்ற பேருல உங்களுக்கு நீங்களே ஒரு விலை போட்டு வாங்கிட்டு, தயவு செஞ்சு அந்த பொண்ணு உங்களை மதிக்கணும் னு மட்டும் எதிர்பார்க்காதிங்க....!!!

"தன்மானம் உள்ள எந்த ஆண் மகனும் வரதட்சணை வாங்க மாட்டான்" என்பது என் கருத்து....

நள்ளிரவில் சென்னை விமான நிலையத்தில்...

2008-07-15T04:51:00.000-07:00

இந்த சென்னை விமான நிலையம் இருக்கே...அதுக்கு ஓய்வே கிடையாது...

எப்போதும் ரொம்ப பிசியா இருக்கும்...

நம்ம விமான நிலையங்கள் எப்போதும் ஒரு உணர்ச்சி குவியலாதான் இருக்கும்...

சந்தோஷம்,பிரிவின் சோகம்,பொறாமை,கூச்சம்,பயம் இப்படி சகல உணர்ச்சிகளையும் மாறி மாறி நம் கண்முன் கொண்டுவந்து நிறுத்திவிடும் இந்த விமான நிலையங்கள்...போன முறை போனபோது நான் கண்ட சில காட்சிகளை இங்கே பதியலாம் என உத்தேசம்...

1)நான் சென்ற உடனே கவனித்தது இந்த பெண்ணை தான்..இளைய 20 களில் இருக்கும் அந்த பெண் onsite செல்கிறார் போல...அவரது மொத்த குடும்பமே வந்திருந்தது....எங்கிருந்தோ கொஞ்சம் தாமதமாக வந்து சேர்ந்த அவருடைய மாமா அவள் கையில் ஒரு தாயத்தை கட்டி விட்டார்....அந்த பெண் அதை மறுக்காமல் சிரித்த முகத்துடன் அதை கட்டி கொண்டது,எனக்கு மிகவும் பிடித்திருந்தது..."பசியோட இருக்காதம்மா ...காப்பி தண்ணி வாங்கி குடிச்சுக்கணும்....தெரியுதா புள்ளை"....என்று சொல்லி கொண்டிருந்த தன் தாயை ஆனந்த கண்ணீரோடு அவர் பார்த்து கொண்டிருந்ததை விவரிக்க என்னிடம் வார்த்தைகளே இல்லை..... :))

2)இந்த குடும்பம் எனக்கு மிக அருகில் நின்று கொண்டிருந்தனர்...அவர்களது மகள் தன் 2 வயது குழந்தையை விட்டுவிட்டு செல்ல போகிறார் என்பதை அந்த அம்மா என் அம்மாவிடம் சொல்லி கொண்டிருந்தார்....அதற்குள் அவர்களது மகள் bag checkin முடித்துவிட்டு வந்திருந்தார்...பின் அந்த மகள் தன் குழந்தையை விட்டு பிரிந்துபோக முடியாமல் வெடித்து அழுதார்...பின் அவரை ஒருவாரி தேற்றி அனுப்பிவைக்க என் அம்மாவும் உதவி செய்தார்கள்...

3)ஏர்போர்ட் ல் நடந்து கொண்டிருந்த இந்த எல்லா நிகழ்ச்சிகளையும் என் பின்னால் நின்று கொண்டிருந்த ஒரு வெளிநாட்டு பெண் வீடியோ எடுத்துகொண்டிருந்தார்...

4)புதிதாக திருமணமான இந்த ஜோடியை அங்கிருந்த அனைவருமே கவனித்து கொண்டிருந்தார்கள்....இதிலும் அந்த பெண் தான் செல்ல போகிறார் போல...அங்கிருந்த கூட்டத்தையும் பொருட் படுத்தாமல்....இவர்கள் இருவரும் அவ்வப்போது கட்டியணைத்து முத்தமிட்டு கொண்டிருந்தனர்....இதை பார்த்த இரண்டு வானரங்கள்...."டேய் ...அங்க பார்த்தியா...technology has improved very much" என்று காமெடி செய்துகொண்டிருந்தனர்... :)))

இது எல்லாவற்றையும் பார்த்து கொண்டிருந்த நான் எனக்குள்ளே சொல்லி கொண்டது இதுதான்....

"தமிழ் ல எனக்கு பிடிக்காத ஒரே வார்த்தை .......பிரிவு தான்....."

ஆனா,என்ன தான் சொல்லுங்க....நம்ம மக்களோட பாசத்துக்கு அளவே கிடையாது....இதை நான் விமான நிலையத்தில் பார்த்த ஒவ்வொரு காட்சியும் நினைவு படுத்தி கொண்டிருந்தது... :))))))))

அவார்ட்ஸ்

2008-07-03T02:52:00.000-07:00

நேற்று சாயுங்காலம் ஆறரை மணிபோல,ஆபீஸ் ல புடுங்குனது எல்லாமே தேவை இல்லாத ஆணி தான் னு onsite கு மெயில் பண்ணிட்டு,வலைப்புவ திறந்தா சுகன்யா அவார்ட்கொடுத்துருந்தாங்க..Friendship award....

மிக்க நன்றி சுகன்யா....இதோட எனக்கு நீங்க எனக்கு ரெண்டு அவார்ட் கொடுத்துடிங்க......ரொம்ப தேங்க்ஸ்....இதே அவார்ட் இல்லத்தரசியும் எனக்கு கொடுத்துருக்காங்க....அவங்களுக்கும் பெரிய தேங்க்ஸ்....எல்லாத்தையும் விட ஒரு paragraph போட்டு பாராட்டிடிங்க.....ரொம்ப தாங்க்ஸ்...

சரி,நம்ம இப்ப இத யாருக்கு கொடுக்கலாம் னு ரொம்ப யோசிச்சதுல,என் நினைவுக்கு வந்த முதல் பதிவர்.....வேற யாரு....நம்ம சத்யா தான்...வடக்குபட்டு ராமசாமி க்கு தான் முதல்ல இந்த Friendship award....

இந்த அவார்ட்க்கு அடுத்த நோமினீ யாரு னு பார்த்திங்கன்னா......இல்லத்தரசி....ரொம்ப creative ஆ இருக்காங்க....ரொம்ப நல்ல சமைப்பாங்க னு நினைக்குறேன்...(சத்யா அண்ணன்தான் பதில் சொல்லணும்....)

சரி,ரெண்டு பெரும் ஜோடி போட்டு வந்து அவார்ட் எடுத்துட்டு போங்க.........வாங்க...வாங்க....

அடுத்த அவார்ட் Blogging With a Purpose award...இத எனக்கு கொடுத்தவங்க,இல்லத்தரசி....ரொம்ப தேங்க்ஸ் வாணி...

முதல்ல இந்த அவார்ட் யாருக்கு கொடுக்கலாம் னு யோசிச்சதுல என் நியாபகத்துக்கு வந்தது மூன்று பேரு.....இல்லத்தரசி யும்,வெட்டிபயலும்,சுகன்யாவும் ...

இல்லத்தரசி யோட இன்னொரு ப்ளாக் creationsss.அழகான பொம்மைகள் எப்படி செய்யறது னு ரொம்ப நல்ல காட்டியிருந்தாங்க....அந்த creativity கு தான் இந்த அவார்ட்....

நான் ப்ளாக் எழுத ஆரம்பிச்சதே...வெட்டிப்பயல் ப்ளாக் பார்த்து தான்....நிறைய உபயோகமான பதிவுகள் இருக்கும் அவரோட வலை தளத்துல....software Engineer ஆகலாம் வாங்க னு அவர் எழுதுன பதிவு எனக்கு ரொம்ப உபயோகமா இருந்தது....ஆதலால் அவருக்கும் மரியாதை நிமித்தமாக இந்த அவார்ட்....

மூன்றாவத நம்ம சுகன்யா....அவங்க ப்ளாகோட அமைப்பே ரொம்ப நல்லா இருக்கும்...அவங்களோட முதல் எழுத்துலயே அவளவு நிறைய அன்னோன்யம்... ரொம்ப நாள் பழகுன தோழி போல உணர்ந்தேன்....அதுனால அவங்களுக்கும் இந்த அவார்ட் தர விரும்புறேன்....

இந்தாங்க உங்க அவார்ட்......

லாஸ்ட் பட் நாட் த லீஸ்ட்..என் அன்பு அண்ணன் வடக்குபட்டு ராமசாமி...எனக்கு வலையுலகத்துல கிடைத்த முதல் நண்பர்....அவருக்கும் இந்த blogging with a Purpose award அன்புடன் சமர்ப்பணம்...

சிந்தனை செய் மனமே - 1

2008-07-02T05:57:00.000-07:00

மைசூர் வந்த பின் ஆபிஸ் காண்டீனில் சாப்பிடுவது வாடிக்கை ஆகி விட்டது...பொதுவாக என் அலுவலகத்தில் சாப்பிட்டு முடித்தபின் நாம் சாப்பிட தட்டை நாம கொண்டு போய் ஒரு தனியான இடத்தில் போட வேண்டும்...அந்த இடத்தில் பொதுவாக ஒரு வாசக பலகை இருக்கும்...அதில் "Think of the thousands who struggle for a single square meal before you waste your food " என்று எழுத பட்டிருக்கும்..நான் தினமும் என் தட்டை கொண்டு போடும் போதும் அதை ஒரு முறை படித்து பார்ப்பேன்...

என்னிடமும் என் குடும்பத்தினரிடமும் ஒரு பழக்கம் உண்டு....அதை நல்ல பழக்கம் என்று சொல்வது இன்னும் சரியாக இருக்கும்...உணவு உண்ண தொடங்கும் முன் கடவுளுக்கு நன்றி சொல்லிவிட்டு உண்ணுவது...அதே போல் தட்டில் உங்களுக்கென வைக்க பட்டிருக்கும் உணவை வீணாக்காமல் உண்ணுவது...அதை நமக்கு பரிமாறும் பொழுதே நம்மால் எவ்வளவு உண்ண முடியுமோ அதை மட்டும் வாங்கி கொள்வது...

இந்த பதிவை நான் எழுத தூண்டுதலாக இருந்ததும் என் அலுவலகத்தில் இருந்த இன்னொரு அறிவிப்பு பலகை...இன்று தான் அந்த பலகையை கவனித்தேன்...அதில் ஒரு நாளைக்கு என் அலுவலக காண்டீனில் வீணாகும் உணவின் மொத்த மதிப்பு கணக்கிடப்பட்டிருந்தது .....இந்த மதிப்பு மொத்தம் 13000 ரூபாய்...எனக்கு தலை சுற்றி போனது....அட ஆண்டவா!!!! என்று என் உடன் வந்த தோழியிடம் புலம்பி கொண்டே வந்தேன்....

எனக்கு எல்லா சமயத்திலும் நண்பர்கள் உண்டு...நாம் உண்ணும் ஒவ்வொரு அரிசியிலும் அல்லா நம் பெயரை எழுதியிருப்பார் என்று என் இஸ்லாமிய தோழி கூற கேட்டிருக்கிறேன்...அப்படியானால்,நமக்காக கடவுள் கொடுத்த ஒன்றை நாம் நிராகரிப்பதாக தானே பொருள்..அது இறைவனின் அன்பை நாம் நிராகரிப்பதற்கு சமம் தானே...

காந்திஜி தான் சாப்பிட உட்காரும் பொழுது ஒரு ஊசி,ஒரு டம்ளர் தண்ணி எடுத்து கொண்டு போய் வைத்து கொள்வாராம்...சாப்பிட்டு முடித்த பின் சிந்திய உணவை ஊசியில் எடுத்து டம்ளர் தண்ணீரில் கழுவி சாப்பிடுவாராம்...(அதுனால தான் அவர நாம மகாத்மா னு சொல்றோம்....என்ன சரிதானே??)
அதற்காக உங்கள நான் மகாத்மா ரேஞ்சுக்கு இருக்க சொல்லல.....உங்களுக்கு னு பரிமாறுகிற உணவை வீணாகாம பார்த்துக்குங்க...அது போதும்....

அடுத்த முறை உணவை வீணாக்கும் முன் நைஜிரியாவையோ,மங்கோலியா வையோ நினைத்து பார்த்து கொள்ளுங்கள்.....ஒரு நாடே பசியில வாடுறது உங்க நினைவுக்கு வரும்... கண்டிப்பா உணவை வீணாக்க மாட்டிங்க !!!!!!

FAQS ஆன் தசாவதாரம்

2008-06-22T20:57:00.000-07:00

ஒரு வழியா தசாவதாரம் பார்த்தாச்சு.........

ஜூன் 6 ஆம் தேதியிலிருந்து படம் பார்த்துட்டேன் னு சொன்ன எல்லார்கிட்டயும் நான் கேட்டு கொண்டிருந்த கேள்விகள் சிலவற்றிற்கு இதோ பதில்கள் :

1) படத்துல உண்மையிலேயே 10 வேடங்களா?

ஆமாம்.படத்தில் 10 வேடங்கள் தான்.ஆனால் நம்பி மற்றும் கோவிந்த் வேடங்களுக்கு மேக்கப் அவ்வளவாக தேவைப்படவில்லை...

2) படத்தின் ஹீரோயின் கள் பற்றி...?

மல்லிகா - வில்லனின் மனைவியாக வருகிறார்...அநியாயத்திற்கு கெட்டவராக இருக்கிறார்...

அசின் - வழக்கம் போல துறுதுறு வென்று அசத்துகிறார்...முகுந்தா பாடல் தவிர வேறு பாடல்கள் இல்லை...முக்கியமாக டூயட் இல்லை...தமிழ் சினிமா விதிமுறைகள் உடைக்க பட்டு விட்டன...!!!

3)படத்தின் பாடல்கள்???

ஒ சனம் பாடல் துள்ளலாகவும்,அசத்தலாகவும் இருக்கிறது...

கல்லை மட்டும் பாடல் நிறைய சிந்திக்க வைக்கின்றது...

முகுந்தா பாடல் மோர் ஆப் எ சாமி பாட்டு...ஆனால் மற்ற பாடல்களை விட எனக்கு இந்த பாடல் பிடித்தது....லிரிக்ஸ் வாலி அன்றோ!!!

உலக நாயகன் பாடல் உண்மையாகவே உலக நாயகனுக்கு ஓர் அர்ப்பணம்....

4)படத்தில் வரும் வேடங்கள் பற்றி???

படத்தில் எனக்கு மிகவும் பிடித்திருந்தது...ஜப்பானீ வேடம் தான்...அழகான கமலை அசிங்கமாக காட்டியிருந்த பூவராகன் வேடமும் அருமை...கிருஷ்ணவேணி பாட்டி வேடமும் கமல் என்று நம்ப முடியவில்லை...பிலேட்சேர் கண்களை வைத்து கமல் என்று கண்டுகொள்ள முடிந்தது...புஷ் நடை சூப்பர்....அந்த முஸ்லீம் வாலிபனாக வரும் கமலுக்கு உயரத்தை எப்படி அதிகமாகினார்கள் என்று சொன்னால் நல்ல இருக்கும்...பலராம் வேடம் பாலைய்யாவை நினைவு படுத்தியது...ரெங்கராஜ நம்பி வேடம் கம்பிரமாக இருந்தது...அவதார் சிங் வேடத்தில் கலக்கலாக சிங் போலவே இருக்கிறார்...கோவிந்த் வேடத்திற்கு தான் அதிகமாக கஷ்ட பட்டிருக்க வேண்டும்!!..அனைத்து கேரக்டேர் களும் அருமை.....படத்தை கமலுக்காகவே ரெண்டு மூணு தடவை பார்க்கலாம்...

5)படம் புரியுதா???

ஒ...நல்லாவே புரியுதே...chaos theory,butterfly effect எல்லாம் சொல்லியிருக்கார்...ஆனாலும்..படம் புரியுது....

6)so,படம் சூப்பர் ஹிட் தானா??? :)))))))))))))

ஹிம்ம்ம்ம்ம்...கண்டிப்பா....சுப்பர்ரோ சூப்பர் ஹிட்.....சந்தேகமே வேண்டாம்....

இதனால் சகலமானவர்களுக்கும் நான் தெரிவித்துகொள்வது என்னெவென்றால்.....தயவு செஞ்சு இந்த படத்த பாத்துருங்க.....ப்ளீஸ்....

:))))))))))

குட் சாட்அவார்ட் ...

2008-06-18T05:32:00.000-07:00

ஆபீஸ் வந்ததும் ப்ளாக் ஐ பார்த்த எனக்கு ஒரு இன்ப அதிர்ச்சி காத்திருந்தது....

இல்லதரசியிடமிருந்தது ஒரு அவார்ட் வந்திருந்தது...

குட் சாட்அவார்ட் ...

மிக்க நன்றி இல்லத்தரசி...

இனி நான் இந்த அவார்டை வேறு முன்று பிளாக்கர்களுக்கு கொடுக்க வேண்டுமாம்...

சரி,கொடுத்துடுவோம்!!!!

முதல் அவார்ட் கோஸ் டு இல்லத்தரசி....நல்ல சமையல் மேனுகளை ப்ளாகில் போட்டோவுடன் போட்டு அசத்திவருவதால் என் போன்ற பலரும் அதை பார்த்தே பசி மறக்க உதவுவதால் இந்த அவார்ட்!!!

செகண்ட் அவார்ட் கோஸ் டு சு ஹிஸ் ப்ரைன்வவேஸ்...தன் மகனை பற்றி அழகாகவும்,சுவாரஸ்யமாகவும் எழுதி வருவதால் இந்த அவார்ட்!!!

மூன்றாவது அவார்ட்....நான் ப்ளாக் தொடங்கிய நாள் முதலே என் ப்ளாக் குகளை தவறாமல் படிக்கும் அன்பு அண்ணன் வடக்குபட்டு ராமசாமிக்கு....(என்ன சத்யா ....ஓகே தான??)...

இந்தாங்க உங்க அவார்ட்...எடுத்துக்குங்க.. :))))))))))))))))

வீக் என்ட்

2008-06-17T22:40:00.000-07:00

"so wats up for the weekend?"

நீங்க ஐ.டி துறையில வேலை பார்ப்பவராக இருந்தால் வெள்ளி கிழமைகளில் இந்த கேள்வியிலிருந்து நீங்க தப்பவே முடியாது...

போன வாரம் ஊருக்கு போகும்போது ரயிலில் என் உடன் பயணம் செய்த இரு பெரியவர்கள் பேசிகொண்டிருந்தது என்னை ரொம்பவே யோசிக்க வைத்தது...

நான் ஐ.டி யில் வேலை பார்ப்பவள் என்பதை அவர்கள் எதிர்பார்க்கவில்லை போலும்...ஐ.டி யில் வேலை செய்யும் மக்கள் எல்லோரையும் சகட்டு மேனிக்கு வாரிகொண்டிருந்தார்கள்.....எனக்கே கொஞ்சம் சங்கடமாக தான் இருந்தது....

வெள்ளி கிழமை கேளிக்கைகள் என்கிற பெயரில் நம்மில் சிலர் செய்யும் தவறால் இந்த துறையில் இருக்கும் அனைவர் மீதும் பொத்தாம் போக்காக குறை சொல்வது சரியல்ல....

உதாரணத்திற்கு,என் நிறுவனத்தை எடுத்துக்கொள்ளுங்கள்...இந்தியாவில் பெரிதும் மதிக்க படும் ஒரு சாப்ட்வேர் நிறுவனம்....எங்கள் நிறுவனத்தில் சேவை மனம் கொண்டவர்களுக்காக ஒரு தனி இயக்கம் அமைக்க பட்டு நிறைய உதவிகள் செய்து வருகின்றனர்...அது மட்டுமல்லாது,பணியாளர்கள் ஆன நாங்களும் எங்களுக்குள் குழுக்கள் அமைத்து சேவை மனதுடன் செயல்பட்டு வருகிறோம் ... இது போன்ற நல்ல காரியங்களை செய்ய நாங்கள் எங்களது வார இறுதிகளை பயன்படுத்தி கொள்கிறோம்...போன வாரம் கூட ஓர் ஆதரவற்றோர் இல்லத்துக்கு சென்று வந்தோம்....இந்த துறையிலும் சில நல்லெண்ணம் கொண்டவர்கள் இருக்கிறோம் என்பதை இவர்கள் அறிவார்களா??

மிகவும் சிறிய வயதிலேயே இவர்களுக்கு இவ்வளவு சம்பளம்!!ஆதலால் தான் கண்முன் தெரியாமல் ஆடுகிறார்கள் என்று கூறும் இவர்களால்,இந்த துறையில் இருப்பவர்களின் மன உளைச்சலை உணர முடியுமா என்பது ஒரு கேள்வி குறியே!!!

எங்களில் சிலர் செய்யும் தவறுக்காக எல்லாரையும் குறை கூறுவது தவறான விஷயம்....

சாப்ட்வேர் நிறுவனத்தில் இருக்கும் பலரும் வெளியூரில் இருந்து வந்து வேலை பார்ப்பவர்கள் தான்...அப்படி இருக்கறப்போ வார இறுதிகளில் எல்லாம் ஊருக்கு போகவே விரும்புகிறோம்...அதுவும் என்னெல்லாம் பார்த்திங்கன்னா ஒரு நாளைக்கு 11 மணி நேரம் அலுவலகத்தில் இருக்கேன்...அப்படி இருக்குறப்போ வார இறுதி ல தான் நமக்காக கொஞ்ச நேரம் எடுத்துகிட்டு நமக்கு பிடிச்ச விஷயங்கள் செய்ய முடியும்...உதாரணத்துக்கு பிடித்த புத்தகங்கள் படிக்கிறது,பாடல்கள் கேட்குறது,கோவில்களுக்கு செல்வது மாதிரி ஏதாவது...மனசுக்கு சந்தோஷம் தரக்கூடிய விஷயங்கள்...

இதெல்லாம் மறந்துட்டு சும்மா அர்த்தமில்லாம எல்லாரையும் குறை கூறுவது சரியல்ல....

இனிமே, "ஐ.டி பசங்க ரொம்ப மோசம்ப்பா" னு சொல்றதுக்கு முன்னாடி நீங்க என்ன பண்றிங்க வார இறுதிகள்ள கொஞ்சம் யோசிச்சு பார்த்துக்குங்க.....!!

கோபம் கொள்ளாதே...

2008-06-09T05:54:00.000-07:00

இந்த கோபம் இருக்கே...ஐயோ...மனுசன உண்டு இல்ல னு ஆக்கிடும்..

எல்லாருக்கும் கோபம் ங்கறது தவிர்க்க முடியாதது...ஆனா அது அர்த்தமுள்ளதா இருக்குறது அவசியம்..அது யாருமேல,எப்போ,எதுக்காக வருதுங்க்றதும் முக்கியம்...
சரி,முதல்ல நாம ஏன் கொபிச்சுகுறோம் னு யோசிங்க?!கோபம் என்பது முக்கால்வாசி நேரம் நாம் எதிர்பார்த்தது,எதிர்பார்த்த விதத்தில் நடைபெறாமல் போவதால் ஏற்படுவது....ஒரு சின்ன மாறுதலுக்கு எதிர்பார்ப்பே இல்லாமல் இருந்து பாருங்களேன்..அதே போல ஒரு காரியமோ,விஷயமோ 100 சதவிகிதம் சரியாக இருக்கணும் னு நினைக்குறதும்,கோபத்தை ஏற்படுத்தும்...இது போன்றவர்களை ஆங்கிலத்தில் "Perfectionist" என்று சொல்லுவோம்...இவர்கள் எப்போதும் ஒரு பரபரப்புடன் இருப்பதை நம்மால் உணர முடியும்...இது அவர்களை மட்டுமல்லாது அவர்களை சுற்றி இருப்பவர்களையும் வெகுவாக பாதிக்கிறது..
சரி,கோபத்தை கட்டுப்படுத்த சில வழிகள்...

1) மிகவும் கோபமாக இருக்கும் போது,சுற்றி இருப்பவர்களிடம் பேசாமலிருப்பது உத்தமம்..மிறி பேசினால் வம்பு தான்...

2)கோபமாக இருக்கும்போது தனிமையில் இருப்பதை தவிர்க்கவும்...

3)உங்களுக்கு பிடித்த நல்ல இசை கேட்கலாம்....அவை மெல்லிசையாக இருத்தல் நலம்!!

4)புகைபிடிப்பதோ,மது அருந்துவதோ கோபத்தை தீர்க்காது.....

5)கோபம் சற்று குறைந்த வுடன்,பிடித்தமானவர்களுக்கோ,நெருக்கமானவர்களுக்கோ போன் போட்டு பேசலாம்...அவர்களிடம் உங்களுக்கு செவி சாய்க்கும் அளவுக்கு நேரம் இருக்கிறதா என்பதை முதலில் யோசித்து கொள்ளுங்கள்...

6)எந்த ஒரு காரியத்திலும் நீங்கள் முழு மனதுடன் உவந்து செய்தாலே போதும்...இது கண்டிப்பா நடந்து விட வேண்டும் என்று எண்ணுவது தவறல்ல...ஆனால் அதுவே உங்கள் நிம்மதியை குலைத்துவிட கூடாது!!

7)பொதுவாகவே உணவில் அதிக காரம்,உப்பு சேர்ப்பதை தவிர்க்கவும்...

8)நிறைய பழங்கள் சாப்பிடுவதை வாடிக்கை ஆக்கி கொள்ளுங்கள்..

9)எப்போதும் ஆரோக்கியமான சிந்தனைகளை வைத்து கொள்ளுங்கள்...

10)தியானம் செய்ய பழகுங்கள்!!

()

தடங்கலுக்கு வருந்துகிறேன் ...

2008-06-06T03:05:00.000-07:00

வேலையில ஏற்பட்ட சில மாறுதல் களால் தமிழினி மைசூர் வரவேண்டியதா போயிடுச்சு...சொந்த கணினியும் கையில் இல்லை..வேலை பழுவும் கொஞ்சம் அதிகம்...
ஆதலால் ஒரு சிறிய இடைவேளை வந்து விட்டது..
தடங்கலுக்கு வருந்துகிறேன்...
ஆனால் இனி மீண்டும் என் எண்ணங்கள் இங்கு எழுத்தாக உரு பெறும்...
பில்லா போல் சொல்ல வேண்டுமானால் "I AM BACK"..
விரைவில் பதிவுகளுடன் உங்களை சந்திக்கிறேன் ....

:)))

சுஜாதா என்கிற சகாப்த்தம்

2008-03-01T02:37:00.000-08:00

28 ஆம் தேதி வழக்கம் போல காலைல பேப்பர் படிச்சுட்டு இருந்தேன் .....
"Prolific Writer Sujatha Passes away" னு இருந்தது...
கண்கள ஒருதடவ நல்லா தேச்சுட்டு திரும்ப படிச்சேன்.....
"Prolific Writer Sujatha Passes away" ......அட கடவுளே....இது என்ன...ஒரு அரைமணி நேரத்துக்கு எதுவுமே செய்ய முடியாம ஆயிடுச்சு....
எனக்கு எழுத்தார்வம் வந்ததுக்கும்,பத்திரிக்கைகள் படிக்க ஆரம்பிச்துக்கும் பிள்ளையார் சுழி போட்டதே ...அவருடைய எழுத்துக்கள் தாம்...

இனிமே அந்த மாதிரி ஒரு எழுத்தாளர் நமக்கு கிடைப்பாங்களா ங்கறது ரொம்ப பெரிய சந்தேகம் தான்....
சுஜாதா வ ஒரு முறை நேர்ல பார்த்துருக்கேன் ...ரொம்ப எளிமையா இருந்தாரு...வோடிங் மிஷன் கண்டு பிடித்த பெருமைக்கு உரியவர்...
இனிமே ஒவ்வொரு முறை ஆனந்த விகடன் படிக்கும் போதும்,அவரை ஒரு முறை நெனச்சு பார்த்துக்குவேன்....
சுஜாதா,நீங்கள் இல்லாத குறை தீர்க்க உங்களது படைப்புகளில் ஆறுதல் தேடுகிறேன் ....

கீழே இருப்பவை சுஜாதா இளம் தலைமுறையினருக்காக சொன்ன பத்து கட்டளைகள்

1. ஒன்றின் மேல் நம்பிக்கை வேண்டும், ஏதாவது ஒன்று. உதாரணம் கடவுள், இயற்கை, உழைப்பு, வெற்றி இப்படி எதாவது… நம்பிக்கை நங்கூரம் போல. கேள்வி கேட்காத நம்பிக்கை. கேள்வி கேட்பது சிலவேளை இம்சை. நவீன விஞ்ஞானம் அதிகப்படியாகக் கேள்வி கேட்டு இப்போது தவித்துக் கொண்டிருக்கிறது.

2. அப்பா, அம்மா இரண்டு பேரும் வேலை சொல்வது பல சமயங்களில் கடுப்பாக இருக்கும். ஒருமாறுதலுக்கு அவர்கள் சொல்வதைச் செய்து பாருங்கள். அவர்கள் கேட்பது உங்களால் செய்யக் கூடியதாகவே இருக்கும். பொடிநடையாகப் போய் நூறு கிராம் காப்பி பவுடர் (அ) ரேஷன் கார்டு புதுப்பித்தல் இப்படிதான் இருக்கும்.

3. மூன்று மணிக்குத் துவங்கும் மாட்டனி போகாதீர்கள். க்ளாஸ் கட்பண்ண வேண்டி வரும். தலைவலி வரும். காசு விரயம். வீட்டுக்குப் போனதும் பொய் சொல்வதற்கு ரொம்ப ஞாபக சக்தி வேண்டும். இந்த உபத்திரத்துக்கு உண்மையைச் சொல்லிவிடுவது சுலபம். இளமைக்காலம், ஒளிக் கீற்றைப் போல் மிகவும் குறைந்த காலம், அதை க்யூ வரிசைகளிலும் குறைபட்ட தலைவர்களுக்காகவும் விரயம் செய்யாதீர்கள்.

4. நான்கு பக்கமாவது ஒரு நாளைக்குப் பொது விஷயங்களைப் படியுங்கள். பொது விஷயங்கள் என்றால் கதை, சினிமா, காதல் இல்லாதவை. உதாரணம் - யோக்கியமான செய்தித்தாள், மற்ற பேரைப் பற்றிக் கவலைப்படும் பத்திரிகைகள் அல்லது லைப்ரரியிருந்து ஒரு புத்தகம்.

5. ஐந்து ரூபாய் சம்பாதித்துப் பாருங்கள். சொந்தமாக உங்கள் உழைப்பில், முயற்சியில், யோக்கியமாக, மனச்சாட்சி உறுத்தாமல். அடுத்த முறை அப்பாவிடம் ஆயிரம் ரூபாய்க்கு ஷர்ட், சுடிதார் கேட்கும் முன்.

6. இந்தச் தகவல்களை படிக்கும் நிலைமை பெற்ற நீங்கள் இந்திய சனத்தொகையின் மேல்தட்டு ஆறு சதவிகித மக்களில் ஒருவர். அன்றாடம் சோற்றுக்காக அலையும், வசதியில்லாத கோடிக்கணக்கான மக்களைத் தினம் ஒரு முறை எண்ணிப் பாருங்கள்.
7. வாரத்தின் ஏழாவது தினமான ஞாயிறன்று என்ன செய்தாலும் காதல் பிஸினஸ் வேண்டாம். காதலுக்கு ரொம்பச் செலவாகும். மனம், வாக்கு, காயம்(உடல்), எல்லாவற்றையும் ஆக்கிரமிக்கும் தீ அது. பொய் நிறையச் சொல்ல வேண்டும். வினோதமான இடங்களில் காத்திருக்க வேண்டும். இந்த வயதில் நாசமாய்ப்போன படிப்புத்தான் உங்களுக்கு முக்கியம்.குறிப்பு: பெண்களை சைட் அடிப்பதும், கலாட்டா பண்ணுவதும், அவர்களுக்கு கர்சீப் முதலியன ரோடிலிருந்து பொறுக்கிக் கொடுப்பதும், உபத்திரமில்லாத கவிதைகள் எழுதுவதும், காதலோடு சேர்த்தியில்லை.

8. எட்டு முறை மைதானத்தை சுற்றி ஓடினால் எந்தச் சீதோஷ்ணமாக இருந்தாலும் நெற்றி வியர்வை அரும்பும். எதாவது தேகப் பயிற்சி செய்யவும். கடிகாரத்துக்குப் சாவி கொடுப்பதோ சீட்டாடுவதோ தேகப் பயிற்சி ஆகாது. எதையாவது தூக்குங்கள், எதையாவது வீசி எறியுங்கள். உங்கள் உடலில் ஊறும் உற்சாகத்துக்கு ஓர் ஆரோக்கியமான வடிகால் தேவை. ராத்திரி சரியாக தூக்கம் வரும். கன்னா பின்னா எண்ணங்கள் தவிர்க்கப்படும். ஒழுங்காக சாப்பிடத்தோன்றும். பொதுவாகவே சந்தோஷமாக இருக்கும்.

9. ஒன்பது மணிக்குள் வீட்டுக்கு வரவும். மிஞ்சிப் போனால் ஒன்பது மணி இரண்டு நிமிடம். ஒரு மணி நேரம் பாடம் அல்லது புத்தகம் படிக்கலாம்.

10. படுக்கப் போகும் முன் பத்து நிமிஷமாவது அம்மா, அப்பா, அண்ணண், தங்கை யாருடனாவது பேசவும் (பேசுவது என்று சொன்னவுடன் காதலியுடன் என்று நினைக்க வேண்டாம், நான் சொன்னது குடும்பத்தினருடன் மட்டும்). எதாவது ஒரு அறுவை ஜோக் அல்லது காலேஜில் நடந்த நிகழ்வுகள். சப்ஜெக்ட் முக்கியமில்லை. பேசுவது தான்.இந்த பத்தில் தினம் ஒன்று என்று முயற்சி செய்து தான் பாருங்களேன்.

சுஜாதா, உங்கள ரொம்ப miss பண்றோம்.... :((

எப்படி இருக்கீங்க...

2008-01-20T09:05:00.000-08:00

பொதுவா நான் யாரையாவது கொஞ்ச நாள் பார்க்காம இருந்துட்டு,திடீர் னு ஒரு நாள் சந்திச்சா அவங்கள்ட்ட பேச ஆரம்பிக்கறதுக்கு மட்டும் தான் இந்த வாக்கியத்தை பயன்படுத்துவேன்....

ஆனா இந்த வாக்கியத்துக்கு எவ்வளவு மதிப்பு இருக்கு னு நான் நேத்து தான் தெரிஞ்சுகிட்டேன் .....

பொதுவா,உடம்பு சரியில்லாம இருக்குறது ஒரு கொடுமைனா,உடல் நலம் சரியில்லாம இருக்கும்போது,தனியா இருக்குறது இருக்கு பாருங்க ........................ஐயோ,அது ரொம்ப பெரிய கொடுமை .....

போன வார முடிவு ல எனக்கு அதான் ஆச்சு......ஆபிஸ்-லயே கொஞ்ச முடியல...சரின்னு அனுமதி கேட்டுட்டு வீட்டுக்கு வந்தா வீட்டுலயும் ஒருத்தரும் இல்லே .....

சரின்னு ஊருக்கு போன் போட்டேன் ...உடம்பு சரியில்ல னு போலம்பிட்டு தூங்கிட்டேன் ....சாயுங்காலம் அம்மா கிட்டருந்து போன்......

" என்னமா.............எப்படி இருக்க ......இப்போ ......"--அப்படின்னு அவங்க கேட்டதே எனக்கு பாதி காய்ச்சல் போன மாதிரி ஆயிடுச்சு ....

இந்த வாக்கியத்துக்கு இவ்வளவு சக்தியா னு .......நானே யோசிச்சு பார்த்துக்கிட்டேன்....அந்த வாக்கியத்துக்கு பாதி சக்தினா,அத கேட்ட உறவு க்கு (அம்மா) இருக்குற சக்தி-யப்பத்தி ...நான் உங்களுக்கு சொல்ல வேண்டியதில்ல ....

நம்ம மேல உண்மையான அன்பு வச்சுருக்குற ஒருத்தங்க வாயிலருந்து வர்ற வார்த்தைகள் எல்லாமே நமக்கு குறள் மாதிரி தானே ......

இப்ப சொல்லுங்க ..... "எப்படி இருக்கீங்க .........."(இனிமே இந்த வார்த்தைய அதன் அர்த்தத்தையும்,ஆழத்தையும் தெரிஞ்சு பயன்படுத்த போறேன்.....)

I am Legend --கண்டிப்பா பாருங்க !!!

2007-12-21T08:49:00.000-08:00

வில் ஸ்மித் நடித்திருக்கும் இன்னொரு அசத்தலான படம்..

நியுயார்க் போன்ற ஒரு மிக பெரிய மாகானத்துல உங்கள மட்டும் தனியா விட்ட என்ன பண்ணுவிங்க ??...அப்படி தான் மாட்டிக்குறார் வில் ஸ்மித்...

ஏதோ ஒரு கொடிய நோயினால் அந்த ஊர் மக்கள் அனைவரும் பாதிக்கப்பட்டு விட,வில் ஸ்மித் மட்டும் அந்த நோயினில் இருந்து தப்பித்து விடுகிறார்...பின் அந்த நோயினால் பாதிக்க பட்டவர்கள் இவரை தாக்க முயல,அவர்களது சதிகளை முறியடித்து உயிர் பிழைகிராரா???அல்லது அந்த நோயை குணப்படுத்துவதற்காக தன் உயிரை தியாகம் செய்கிறாரா என்று சொல்லி முடிகிறது இந்த திரைப்படம் ... தனிமை ஒரு மனுஷன எவ்வளவு துயர படுத்தும் னு ரொம்ப அழகாவே காட்றாங்க....

படத்தினுடைய முதல் ஆச்சர்யம் வில் ஸ்மித்....Independence Day,MIB 1 & 2 படங்களில் இருந்தே இவரை ரொம்பவே கவனிக்க ஆரம்பித்துவிட்டது,உலகம். இந்த திரைப்படத்தின் லாபம் 73.5 மில்லியன் டாலர் ஆக இருக்கும் என எதிர் பார்க்க படுகிறது...எல்லாம் வில் ஸ்மித் என்ற நடிகரின் கடின உழைப்புக்கு நாம் செலுத்தும் மரியாதை....சில காட்சிகளில் நம்மையும் சேர்த்து சிரிக்கவும்,அழுகவும் வைக்கிறார்....தன்னுடைய உணர்வுகளை ரசிகர்களுக்குள் செலுத்துபவனே நல்ல நடிகன்!!!

படத்தினுடைய இரண்டாவது ஆச்சரியம்....வில் ஸ்மித் உடன் முதல் பாதியில் நடித்திருக்கும் அந்த நாய்...ஒரு நாயிடம் இவ்வளவு உணர்வுகளை பரிமாறிக்கொள்ள முடியுமா என்று நமக்கு சந்தேகமே வந்து விடுகிறது....ஆனா அந்த நாய கொன்னுருக்க வேண்டாம்....பாவம்....!!!
படத்துல எல்லாமே ரொம்ப சரியா அமைந்திருந்தாலும்....குழந்தைகளை கவர தவறிட்டாறு வில் ஸ்மித்....MIB படங்கள போல இந்த படம் குழந்தைகளுக்கும் பிடிக்குமா னு கேட்டா இல்ல னுதான் சொல்ல வேண்டி இருக்கு ....(தயவு செய்து குழந்தைகளை அழைத்து செல்ல வேண்டாம்!!!)

வில் ஸ்மித் , நீங்க உண்மையிலேயே ஒரு legend தான்.... :))))

இனி ஒரு விதி செய்வோம்....

2007-11-30T20:51:00.000-08:00

இனி ஒரு விதி செய்வோம்....இவர்களையும் நம்முள் ஒருவராக ஏற்று கொள்வோம்!!!

ஆனந்த விகடன்

2007-11-29T22:21:00.000-08:00

தமிழ் பேசும் நல்லுலகத்திற்கு ஆனந்த விகடன் பற்றிய அறிமுகம் தேவைப்படாது...
எனக்கு தமிழ் படிக்க தெரிஞ்ச நாளா ஆனந்த விகடன் படிக்கிறேன்...படிக்க நேரமில்லை னா கூட சும்மா புரட்டி பக்கங்கள மட்டும் மாவது பார்த்துருவேன்...
முன்னெல்லாம் சுஜாதா வோட எழுத்துக்கள மட்டுமே ரசிக்க முடிஞ்சது ...ஆனா இப்போ அப்படி இல்ல...கொஞ்சம் ரசனை வளர்ந்திருக்கு னு தான் சொல்லணும்...
கொஞ்ச நாள் முன்னாடி வரைக்கும் பிரகாஷ் ராஜ் எழுதின "சொல்லாததும் உண்மை "..படிக்கறதுக்காகவே வாங்கினேன்...என்ன நல்லா எழுதுனாருங்க அவரு!!!அந்த மாதிரி தன் வாழ்க்கையில நடந்த உண்மையெல்லாம் சொல்றதுக்கும் தனி தைரியம் வேணும்..
ஞானி--ஆனந்த விகடன் மூலமா நான் படிக்க தொடங்குன இன்னொரு எழுத்தாளர்...
நல்லா தான் எழுதுறாங்க...அப்புறம் ஜக்கி வாசுதேவ்-வினுடைய article...
இப்படி ஒவ்வொரு விஷயமும்...என்னை ரொம்பவே கவர்ந்தவை தான் ..
இன்னும் சொல்ல போனா,நான் வலையுலகை பற்றி தெரிந்து கொண்டதே ஆனந்த விகடன் படிச்சு தான்...

பாடல்கள்...

2007-11-13T02:32:00.000-08:00

ஸ்கூல் நாட்கள்ல,பாடல்கள் கேட்பது மட்டுமே என் முழுமுதற் பொழுது போக்கு...கல்லூரிக்கு வந்த பிறகு பாடல்கள் கேட்பதற்காகவே பொழுத ஏற்படுத்திக்க ஆரம்பிச்சுட்டேன்...

ஒரு பாடல் கேட்டா அந்த பாடல நம்ம மனநிலயோட சம்பந்த படுத்தி பாக்குறது என் பழக்கம்.....அதே போல அந்த பாடல முதல் தடவ கேட்கும்போது என்ன மனநிலையில இருந்தேனோ,அது ஒவ்வொரு முறை அந்த பாடல கேட்கும்போதும் reflect ஆகும் ...

அதே போல பாடல்கள்ல இந்த வகையான பாட்டு தான் பிடிக்கும் னு கிடையாது......மெலடி பாடல்கள் பிடிக்கும் னா,சில சமயம் சில கானா பாடல்கள் பிடிச்சு போவும்....உதாரணத்துக்கு ,சென்னை-28 ஜல்சா பாட்டும் பிடிக்கும் ,"உன் பார்வை மேலே பட்டால் " அப்படிங்கற பாட்டும் பிடிக்கும்...

சமீபத்துல தீபாவளி படங்களோட பாடல்கள் ல எனக்கு பிடிச்சுருந்தது, பொல்லாதவன் படத்துல்ல வர்ற "மின்னல்கள் கூத்தாடும் மழை காலம் "....பாம்பே ஜெயஸ்ரீ வழக்கம் போல ரொம்ப நல்லா பாடியிருந்தாங்க....அப்புறம் அழகிய தமிழ் மகன் படத்துல வர்ற "மதுரைக்கு போகாதேடி" பாடலும் நல்லா இருந்தது ...முக்கியமா இந்த வரி "சந்திரனில் ஒரு பாதி,இந்திரனில் ஒரு பாதி....சுந்தரரே என் ஜோடி ஆனதென்ன ..??!!..."...நல்லா தான் எழுதுறாங்க ....அந்த பாட்டோட காட்சியமைப்பும் நல்லா இருக்கு ...விஜயும் ,ஸ்ரேயாவும் நல்லா ஆடியிருந்தாங்க ...[பின்குறிப்பு :நான் விஜய் ரசிகை அல்ல.... :))]

அதே போல சில படங்கள்ல வர்ற ஹீரோ அல்லது ஹீரோயின் அறிமுக பாடல்கள்ளும் நல்லா இருக்கும் .....உனக்கும் எனக்கும் லே வர்ற "பூ பறிக்க நீயும் போகாதே" பாட்டு ,ரொம்ப பிரமாதமான பாட்டு...காக்க ,காக்க படத்துல்ல வர்ற "ஒரு ஊரில் அழகே உருவாய்" பாட்டு...செமத்தியான பாட்டு...ஒரு பொண்ண இத விட அழகா வர்ணிக்க முடியுமா னு தெரில ...."உதயா" படத்துல வர்ற "பூக்கும் மலரை" பாடல் ரொம்ப நல்லா பாட்டு ...

இப்போவெல்லாம் எந்த விஷயத்த கண்டிப்பா விட்டு கொடுக்க கூடாது னு பார்த்தா ,அந்த பட்டியல்ல முதல்ல நான் எழுதுறது "பாட்டு கேக்குறது "...அப்படிங்கறது தான். ... :)))

ஒரு அழகான பதிவு

2007-11-01T06:57:00.000-07:00

சில நாட்களுக்கு முன்னால் எனக்கு வந்த ஒரு mail forward இது..

Maybe we have to meet a few wrong people before meeting the right one so that when we finally meet the right person, we will know how to be grateful for that gift.
.oOo.
When the door of happiness closes, another opens, but often times we look so long at the closed door that we don't see the one which has been opened for us.
.oOo.
The best kind of friend is the kind you can sit on a porch and swing with, never say a word, and then walk away feeling like it was the best conversation you've ever had.
.oOo.
It's true that we don't know what we've got until we lose it, but it's also true that we don't know what we've been missing until it arrives.
.oOo.
Giving someone all your love is never an assurance that they'll love you back! Don't expect love in return; just wait for it to grow in their heart but if it doesn't, be content it grew in yours.
You are liked and loved by others, far more than you think.
.oOo.
It takes only a minute to get a crush on someone, an hour to like someone, and a day to love someone, but it takes a lifetime to forget someone.
.oOo.
Don't go for looks; they can deceive.
Don't go for wealth; even that fades away.
Go for someone who makes you smile because it takes only a smile to make a dark day seem bright.
Find the one that makes your heart smile...
.oOo.
There are moments in life when you miss someone so much that you just want to pick them from your dreams and hug them for real!
.oOo.
Dream what you want to dream; go where you want to go; be what you want to be, because you have only one life and one chance to do all the things you want to do.
.oOo.
May you have enough happiness to make you sweet, enough trials to make you strong, enough sorrow to keep you human, enough hope to make you happy.
.oOo.
Always put yourself in others' shoes. If you feel that it hurts you, it probably hurts the other person, too.
.oOo.
The happiest of people don't necessarily have the best of everything; they just make the most of everything that comes along their way.
.oOo.
Happiness lives for those who cry, those who hurt, those who have searched, and those who have tried, for only they can appreciate the importance of people who have touched their lives.
.oOo.
Love begins with a smile, grows with a kiss and ends with a tear.
.oOo.
The brightest future will always be based on a forgotten past, you can't go on well in life until you let go of your pastfailures and heartaches.
.oOo.
When you were born, you were crying and everyone around you was smiling. Live your life so that when you die, you're the one who is smiling and everyone around you is crying.
.oOo.

ஆங்கிலத்துல பதிவு போட்டதுக்காக மன்னிக்கணும்...இருந்தாலும் இந்த பதிவு உங்க எல்லாருக்கும் பிடிச்சுருக்கும் னு நினைக்கிறேன்... :)))

சென்னையில் ஓர் மழைக்காலம்

2007-10-29T03:54:00.000-07:00

சென்னையில் ஓர் மழைக்காலம்
நானும் சென்னைக்கு வந்து கிட்டத்தட்ட 1 வருஷம் ஆக போகுது.எனக்கு தெரிஞ்சு நேத்து தான் நல்லா மழை பேஞ்சுது.அதுவும் நேத்து சண்டே வேறயா .....வீட்ல தானே இருந்தோம்...எவ்ளோ நேரம் தான் வீட்ல உட்கார்ந்து டிவி பாக்குறது...ரொம்ப போர்..சரி கொஞ்சம் பொழுது போக்கலாம் னு வீட்ல எல்லாரையும் வம்புக்கு இழுத்து கொஞ்சம் சண்டை போட்டு பொழுது போக்கலாம் னு நெனச்சா யாரும் சரியாவே respond பண்ணலே.....
சரி னு..மழை பத்தியே ப்ளாக் எழுதலாம் னு....

(*)மழையின் போது road எல்லாம் மட்டும் சேதம் ஆகாம இருந்தா நாம எல்லோருமே மழைய நேசிக்க ஆரம்பிச்சுடுவோம் .

இன்னும் மழை வரும்போது நீங்க எப்படி என்ஜாய் பண்ணலாம் னு கேட்டா
1)சூடா டீ போட்டு குடிங்க....கூடவே ஒரு melody பாட்டும் கேட்டிங்கனா...செமத்தியா இருக்கும்!!!!
2)அக்கம் பக்கத்துலே ஏதாவது குட்டி புள்ளைங்க இருந்தா அவங்களோட சேர்ந்து கப்பல் கூட விடலாம்....ஹி..ஹி..ஹி...
3)அதுக்கு அப்புறமும் உங்களுக்கு பொழுது போகல,அப்படின்னா இந்த மாதிரி மொக்கை யா ஒரு ப்ளாக் கூட எழுதலாம்.
இப்ப புரிஞ்சுருக்குமே...நான் எப்படி மழை பெய்யும் போது.....time pass பண்றேன் னு...ஹி..ஹி...

சக் தே இந்தியா

2007-09-09T21:14:00.000-07:00

சக் தே இந்தியா
ஹிந்தி படம் பார்த்து ரொம்ப நாளாச்சு.ஒரு நல்ல ஹிந்தி படம் பாக்கணும் போல இருந்த்து.அப்போ தான் முன்னாடி நாள் ச்க் தே இந்தியா பத்தி ப்ரண்ட் சொன்னது நியாபகம் வந்தது.
சரி என் ரூமி யோட சேர்ந்து இந்த படத்த பார்க்க ஆரம்பிச்சேன்.
பொதுவா யாஷ் சோப்ரா படம் னா ரொம்ப பிரம்மாண்டமா இருக்கும்.அது படி பார்த்தா இந்த படமும் ஒரு நல்ல கதையம்சத்தோட இருக்குறதால பிரம்மாண்டமா இருந்தது.
முதல்ல இப்படி ஒரு கதை ய choose பண்ணதுக்காக ஒரு பெரிய தேங்க்ஸ் சொல்லணும் ந்ம்ம சோப்ரா க்கு.அப்புற்ம் அந்த பொண்ணுங்க....எல்லாருமே ரொம்ப நல்லா ந்டிச்சிருந்தாங்க.....சாரி....விளையாடி இருந்தாங்க......!!
இந்த படம் ஷாருக் கு நல்ல பேரு வாங்கி தந்திருக்கு.வயசானாலும் ந்டிப்புல "பர்தேஸ்" விட ந்ல்ல பண்ணிருக்கார்.அவர் பேசுற வசன்ங்களும் கூட ரொம்ப நல்லா இருக்கு.முக்கியமா போட்டி போகுறதுக்கு முன்னாடி அவர் பொண்ணுங்கள அட்ரஸ் பண்ற ஸீன் ரொம்ப பிரமாத்ம்.நான் கூட சரி ஒரு 5 நிமிஷத்துக்காச்சும் பேசி மொக்கை போடுவாரு நினைச்சேன்.ஆனா சுருக்கமா "இந்த 70 நிமிஷம் தான் உஙக வாழ்க்கையிலே முக்கியமான தருணம்" னு சொல்லி ரொம்ப சிம்பிளா முடிச்சிருந்தது நல்லாயிருந்தது.
அப்புறம் அந்த பொண்ணுங்க ஒவ்வொருத்தருடைய இன்ட்ரோ வுமே சூப்பர்.அதுலயும் அந்த ஆட்டோ காரரோட சண்டை போடுறது ரொம்ப ரியலா இருநதது.
அதே போல,"ஹாக்கி யெல்லாம் ஒரு விளையாட்டுனா நம்ம கல்யாண்த்த தள்ளி போட சொல்லற"...இந்தியன் கிரிக்கெட் கேப்டன் மாப்பிளை கேட்கிறது நம்ம நாட்டுல ஹாக்கிய எந்த அளவுக்கு மக்கள் மறக்குறாங்க கிறதே
ரொம்ப நல்லா காட்டுது.
உங்களுக்கு ஹிந்தி புரியும் னா கண்டிப்பா இந்த படத்த பாருங்க!!!!
(பின் குறிப்பு:
என்னடா இவ? தமிழினி னு பேரு வச்சுக்கிட்டு ஹிந்தி படம் பார்க்க சொல்றாளே யோசிக்கிறிங்களா???
நல்ல விஷயம் எங்க இருந்தாலும் பாராட்டுற்து தானே தமிழர் மரபு....(ஸ்ஸ்ஸபா.......என்னவெல்லாம் சொல்லி சமாளிக்க வேண்டியிருக்கு!!!!)...... :))) )

அழகிய திருச்சி ந்கரினிலே....

2007-09-02T23:49:00.000-07:00

நான் பிறந்தது சிங்கார சென்னை என்றாலும், என்னோட முன்றாவது வயசுலயே நாங்க குடும்பத்தோட திருச்சி போயிட்டோம்.
திருச்சி பத்தி ஒன்றுமே தெரியாதவங்களுக்காக தான் இந்த பதிவு :
1)திருச்சி னாலே முதல்ல நம் ஞாபகத்துக்கு வரது மலைக்கோட்டை தான்.
நான் முதல்ல தடவ போன போது,என்னை ரொம்ப கவர்ந்தது தாயுமானவர் சன்னதி தான்.அங்க நந்தி சிலைக்கு பின்னாலே ஒரு இடம் இருக்கும்.அங்க நின்னு சாமி பாக்குறது ஒரு தனி சந்தோஷம்.நான் அடிக்கடி போற கோயில் மலைக்கோட்டை தான்.அதே போல திருச்சி லே இருக்குற ஒவ்வொரு கோயிலுமே ரொம்ப ஸ்பெஷல் தான்.திருவரங்கம் ரங்கநாதர் கோயில்,சமயபுரம் மாரியம்மன் கோயில்,தென்னூர் நாச்சியார் கோயில்,வெக்காளி அம்மன் கோயில்,திருவானைக்காவல்,வயலூர் முருகன் கோயில்,கல்லுகுழி ஆஞ்சநேயர் கோயில் இன்னும் பல....
2)காவேரி தண்ணி.அதுவும் 24மணி நேரமும்.
3)கோயமுத்தூர் பிஸினஸ் சென்ட்டர் னா திருச்சி எஜுகேஷன் சென்டர்.நிறைய பள்ளி,கல்லூரிகள் இருக்கு.NIT (National Institute of Technology) யும்,கி.ஆ.பெ மருத்துவ கல்லூரி யும் கூட இருக்கு.
4)பேருந்து வசதி: சென்னை ல் இருக்குறதெல்லாம் பேருந்தா??திருச்சி ல போய் பாருஙக.........சும்மா சூப்பரா இருக்கும்.ட்ராபிக் குட கம்மி தான்.....சென்னை ல மழை பெய்யும் போது பேருந்து குள்ள இருந்தா தான் நனைந்து போறோம்.திருச்சி ப்ரைவேட் பஸ் களும் இருக்குற்தால போட்டி போட்டு வசதி பண்ணி வச்சிருப்பாங்க!!
5)தமிழ்நாட்டோட மத்தி ல இருக்குறதால தொழில் தொடங்க இது ஒரு நல்ல ஊர்.ரயில்வே ஜங்ஷன் இருக்கு.....அது தவிர 2 பெரிய பஸ் ஸ்டாண்ட் இருக்கு....!!!
6)திருவரங்கத்து அரவணை,அசோகா ஸ்வீட்- இனிப்புகள் இது ரெண்டு மே திருச்சி யோட ஸ்பெஷல் லான இனிப்பு வகைகள்.திருவரங்கன் கோயிலுக்குள்ள கிடைக்கும்.
எல்லாத்தையும் விட,எங்க மக்கள் அன்பானவங்க....................நாங்களெல்லாம் நல்லவங்க!!!!!!!

என் முதல் பதிவு

2007-08-28T03:56:00.000-07:00

எல்லாருக்கும் வணக்கம்!!
என் பல நாள் கனவு இன்னிக்கு நிறைவேறி இருக்கு.
ஓரு வழியா ப்ளாக் தொடங்கிடடேன்.
அதுவும் தமிழ் லே.ரொம்ப சந்தோஷம்.
கூடிய சிக்கிரம் பதிவுகளோடு உங்களை சந்திக்கிறேன்.